|
Dü bloom üp dünemsön blefst altert nii,
wan aur di hen uk wunterstor’mer jaagi,
wan somer-senskiins-daagen aur di lii
of uurs- en harefst-tiren aur di daagi.
Dü bloom üp dümensön blefst altert nii;
em liit di ek üp keempers iarenwaien.
En niin jung faamen wel me di höör flii,
en oler uurst dü jens üs brirkraans draien.
Dü bloom üp dünemsön blefts altert nii;
em iaret oler di ön frügelk stünen.
Bluat wan di krölen al forwelet lii,
uur duarenkraansen jit jens üt di wünen.
|
